إنتى عاوزة إيه يا ادلعدي .. ردح مصري لملكة أسبانيا
القاهرة : الصحافة.
أثار جمال ملكة أسبانيا ليتيسا أورتيس غيرة بعض من المصريين على رئيسهم الذي يزور اليوم أسبانيا في زيارة رسمية ، يلتقي بها الملك الإسباني فيليب السادس، والسبب بالطبع جمالها اللافت، فأطلقوا هاشتاجا ساخرا بعنوان "#انتي_عايزه_إيه_مالراجل_يا_دلعدي"، يرصدون فيه إنطباعاتهم الفكاهية حول الزيارة التي بدأت اليوم .
يقول أحد مطلقي الحملة، وهو وليد مجدي في تدوينة ضاحكة في بداية الهاشتاج :
"عبد الفتاح السيسي راح يزور أسبانيا، عادي يعني مفهاش حاجه، قام ملك أسبانيا قال نعزموا الراجل على غدوه حلوه ونرحب بيه، برضه لحد هنا كويس.
إنما فجأه كده تيجي الملكه (المزة) ليتيسا مرات الحاج فيليب وتقول انا هاجي أتغدى معاكوا، طب السيسي ماخدشي الحاجه انتصار معاه، هه ؟ ليه بقى يا ليتيسا ياختي ؟ تقولك أنا هكسر البروتوكولات عشان أرحب بالرئيس المصري وبأهمية الزياره .. حركات بنات طبعا !!.
بصي يا حاجه ليتيسا، بما إنك "مزة" كده فانتي أكيد مشغوله طول اليوم في الميك أب والأي شادو وكريمات نحت الجسم ، وبصراحه اتنحت صح ( إلا صحيح : انتي تعرفي محمود مختار ؟ )، المهم ما علينا، وعشان انتي مشغوله بجمالك فأكيد ماتعرفيش كتير عن عبد الفتاح السيسي , بقى السيسي ده يا ست البنات بالنسبه للرجاله في مصر هو الراجل المصري الجدع اللي شال السكينه من على رقبة البلد، أما السيسي بالنسبه للبنات بقى فهو باختصار سي الأستاذ عبد الحليم حافظ !!".
يعني من الأخر , تروحي الغدوه , عينك ما تترفعشي من عالأرض , هه ؟ و إلا بكره الصبح هنلاقي 40 مليون بنت مصريه في ميدان التحرير بيطالبو بالحرب على أسبانيا و هاشتاج #انتي_عايزه_إيه_مالراجل_يا_دلعدي ؟!.
وبسرعة تفاعل مع الهاشتاج الظريف عدد كبير من المستخدمين بالتعليقات والكومكسات الساخرة ، تقول ليلى الفرجاني "مالكش سفر لوحدك ياريسنا .. ربنا يحميك ويحفظك لمصر والمصريين .. قولوا آمين يابشر".
وكتب أحمد شاهين "بصراحة رئيس متحضر . مش زي اللي وكسنا مع رئيسة وزراء أستراليا"، وكتب مؤنس زهيري قائلا "ملكة أسبانيا قمة الأدب والذوق والإتيكيت .. بس لو تخينة شوية ..، هتقلب مصري على طول .. بس سيبك إنت .. "العز " كله عندنا في مصر".