آخر نكتة

"النكتة" فن شعبي اخترعه الناس ليعبروا عن أفكارهم ومشاعرهم،  ونقدهم اللاذع من أوضاعهم الاجتماعية والاقتصادية والسياسية. بوح عفوي جميل لا يخضع لقواعد الأدب والتأليف. خواطر مفعمة بالطرفة والمفارقة والبسمة والفكاهة والموقف تجاه شخص أو فئة أو موقف اجتماعي.

وقد كانت النكتة على مر الزمن وسيلة نقد شعبية تبعث في المستمع البسمة والضحكة. وتخفف عنه قسوة الحياة. وقد تحمل النكتة رسالة اجتماعية بالغة الخطورة، وقد تأتي فقط بغرض الترفيه ، وتكون فقط مهمتها الإضحاك، وزرع البسمة على الشفاه.

ننشر هنا مجموعة من النكات الطريفة التي جمعناها من المنتديات، ولا نعرف مؤلفيها، ومبدعيها، ورغم عدم معرفتنا بهم، سنظل مدينين لهم بالكثير،   فقد أضفوا علينا المرح، وخففوا عنا تجهم الحياة:

 

ـ مره واحد ابنه طلع من الأوائل عمل ايه ؟، شفروه

ـ واحد بلدياتى واقف قدامه خمس شياطين ليه؟ واحد يوسوسله، وأربعه يفهموه

ـ أتنين صحاب راحوا للحلاق واحد حلق،  والتاني غويشة.

ـ واحد جدته عيانة ورافضه الأكل،  فسألها تاكلى مهلبية والا اجوزك.. قالت له لأ يابنى المهلبية ناشفة على سنانى.

ـ مرة واحد مسطول بيلعلب كورة أخد الكورة على صدرة طلعها من منخيرة

ـ مسطول لابس جزمة، فردة بيضة والتانية سوده، قابله مسطول تاني وقاله: "ايه ياواد الجزمه الشيك دي. راح المسطول الأولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبط

ـ جماعة بيحششوا ... فجت كبسه... كل واحد اسـتخبى في شوال جه الظابط ضرب الشوال الأول برجله،  خرج واحد منهم وراح يكاكي،  وعمل نفسه فرخة،  ضرب التاني خرج وراح يدن وعمل نفسه ديك،  ضرب التالت مخرجش،  ضربه تاني مخرجش،  ضربه جامد،  المره دي خرج وقال له شوال بطاطس بطاااااااطس انت مابتفهمش

ـ فيل على علاقة بنمله قرر فجأه ينهى العلاقة،  فقالت النملة وهى تترجاه ارحمنى وارحم الفيل إلى فى بطنى

ـ مرة كلب فقد الذاكرة ماشى فى الشارع بيقول صوصو...لا نونو.....لا .....

ـ مرة دكتور تحليل امة ماتت قال تحاليلي ياماما

ـ واحد بلدياتنا اشتري راديو حط فيه حجرين المذيع اتسطل

ـ بلدياتنا الصغير بيسأل أبوه : ليه يابا ربنا خلج لنا الودان،  فرد الأب : علشان نعرف العمة بتاعتنا هاتجف لحد فين

ـ واحد مسطول بيسأل مراته هو لما بنفتح باب الحمام النور بينور،  قالت له لا قالها يبقى أنا عملتها فى الثلاجة.

ـ مرة ولد سأل ابوه هل الحب اعمي يابابا ، قاله بص في وش امك وانت تعرف

ـ مره واحد بخيل أوى بعت ابنه يشترى له بعشره صاغ جبنه. راح الواد ورجع بعد شويه،  وقاله بابا البقال بيقولك تعال الحس السكينة.

ـ بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح،  قالت له يا راجل ليه التبذير ده،  قال لها اسكتى خلى العيال تاكل

ـ اتنين مساطيل قاعدين في الاستاد،  واحد بيقول للتانى.. تلف الإستاد ده فى قد اية رد عليه .. في سجارتين.

ـ سكران ماسك الفرخة بتاعته. قاعد يضرب فيها، ويقولها: كل يوم بيض بيض مافيش جبنة.

ـ واحد سكران فتح التلاجة وبص للجلي. وجده بيرتعش : قالوه متخفش هاخد عصير.

ـ واحد بلدياتنا فى المصيف إتصور بمايوه،  وبعت صورته البلد بعتوله هدومه

ـ واحد سأل صاحبه .. ايه السبب الرئيسى للطلاق ؟ قاله الزواج

ـ واحد مأذون مش لاقي شغل،  طلق مراته.

ـ واحد بلدياتنا سافر فرنسا،  بعت جواب لابوه بيقوله فرنسا حلوه يابوي، فرنسا جميله قوى يا بوي، ابوه بعتله جواب قاله اتجدعن وانا اجوزها لك.

ـ واحد مسطول وقف تاكسي كان سواقه برده مسطول،  قاله تاخد كام وتوديني فين، قاله هات اللي تجيبه وانزل هنا.

ـ واحد مسطول راح مطعم،  وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟،  قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟

ـ فرخة استحمت بهد اند شولدر باضت بيضة من غير اشرة

ـ مره واحد مسطول بيصطاد سمك بالحشيش،  طلعتله سمكه بتقول : انا تمساااااااااح

ـ بلديات قال لصاحبه .. بالي مشغول من امبارح،  قاله يمكن حد رافع السماعة

ـ أستاذ سأل طالب في أي فصل يسقط المطر،  قال له في الفصل اللى مالهوش سقف

ـ واحدة بخيلة بعتت ابنها يشترى تلاتة أرغفة،  لما جه قالتله رجع رغيف أبوك مات

ـ واحد مدرس سأل تلميذ أبوك اشترى من الفكهانى اتنين كيلو برتقال سعر الكيلو اتنين جنية،  يبقى ابوك دفع كام؟ ، فقال التلميذ يبقى دفع اتنين جنية ياأستاذ،  فقال الأستاذ بص يابنى انت ماتعرفش حساب، فقال التلميذ لا ياأإستاذ دا انت اللى ماتعرفش ابويا

ـ فار محشش قال : كل القطط تحت جزمتى،  لقى وراه قط اسود قال إلا ابو سمره حبيبى

ـ عملوا مسابقة لتعجيز الكمبيوتر،  كل ما حد يسأله سؤال يجاوب عليه فى اقل من دقيقة، جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

ـ عشرة صعايدة بيتعلموا ربط الكرافتات،  تسعة ماتوا وواحد فى حالة حرجة

ـ واحد مسطول بيسأل صاحبه المسطول ايه أسماء اخوتك الشباب؟ قاله:كلهم محسن الا أدهم اسمه تامر

ـ  اتنين مساطيل قاعدين،  فالأول بيقول للتاني هو النهاردة السبت ولا الأحد،  قام التاني قائل له لا .. الإتنين ....قام الأول قاله.... جايين مع بعض.

ـ واحد لبان أشترى عمارة (ملك) مراته راحت تلم القشطة من علي السطح

ـ ليه السمك بيخاف من الجنية.؟! علشان الجنية فيه 100 قرش

ـ واحد بلدياتنا زار الهرم, فقال يابوى كل دى حتت جبنه نستن

ـ بخــيل وقع فى حفرة ، فتجمع عليه الناس علشان يساعدونه. المهم انه في الآخر ما كانش راضي يطلع، فجاهم واحد وسألهم ايه اللى بيحصل ؟ قالوله احنا قاعدين نقوله هات إيدك هات إيدك وهو رافض، قال بسيطة، راح عند البخيل وقال له خذ ايدي، فطلع البخيل

ـ واحد كهربائى اجوز واحدة اسمها نجفة ، كل ما ييجى يبوسها يقف على لوح خشب

ـ واحد بيحشش بيقول لصاحبه امبارح جيت اسحب نفس قالوا لى ملكش رصيد

ـ اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور.

ـ واحد بلدينا بيسأل اخوه تعرف مبنى التجارة العالمي اللى فى نيويورك اتهدم ليه، رد علية ليه؟،  قالوا أصله كان على أرض زراعية.